Kolmanskop se verlate dorpie
Kokerbome in Keetmanshoop
Namibië Avontuur Reis: Waarom Jy Moet die Langpad Neem
—
Sjoe, as ek aan Namibië dink, kry ek sommer weer daai opgewonde gevoel in my maag! Dis regtig die tuiste van die wêreld se mooiste landskappe – dink maar aan daardie verlate soutpanne en die rooi woestyn wat jou asem wegslaan. Daar’s iets betowerends aan hierdie land wat jou hart steel.
Kom ek vertel julle van ons avontuur! Ons het by OR Tambo in Johannesburg opgestyg, Windhoek toe gevlieg, en toe begin die pret! Eerste wenk (en dis ‘n belangrike een): kry ‘n 4×4. Glo my, jy gáán dit nodig kry! En maak seker daai diesel tank is vol – vulstasies is maar yl gesaai in hierdie wêreld.
Die Kokerboom Woud
Ons eerste stop was die “Quiver Tree Forest” – sowat 500km op die B1 na Keetmanshoop toe. Dis omtrent 5 ure se ry, maar elke kilometer is die moeite werd! Die klein dorpies langs die pad is soos ‘n reis terug in tyd – vriendelike mense, kinders wat speel, en kafees wat lyk of hulle uit die 1960’s kom.
Weet julle dat daardie kokerbome eintlik glad nie bome is nie? Dis glo net baie groot plante! Maar wag tot jy hulle teen die sterrehemel sien – dis asof die natuur vir jou ‘n spesiale fotosessie gereël het.
Die Quiver Tree Forest Camp, so 13km noord-oos van Keetmanshoop, was ‘n heerlike verrassing. Die mense daar? Ag, hulle vang jou sommer dadelik vas met stories van die ou dae!
Luderitz en die Spookdorp
Volgende stop: Luderitz! Die Nest Hotel daar het die mooiste see-uitsig wat jy kan droom. En die kos? Sjoe! Dink seekos, yskoue bier en krisp witwyn terwyl die seebries jou afkoel na ‘n warm dag.
Maar die hoogtepunt was beslis Kolmanskop – die spookdorp wat stadig maar seker deur sandduine ingesluk word. Die storie agter hierdie plek is amper soos ‘n fliek: Duitse prospekteerders wat diamante ontdek en ‘n hele dorpie in die middel van nêrens bou!
Sossusvlei se Skoonheid
En toe kom Sossusvlei… Wat ‘n plek! Die 6.5 ure se ry is elke druppel sweet werd. By Sossus Dune Lodge kry jy die soort uitsigte wat jou laat wonder of jy droom. Gemsbokke wat net waar jy kyk verskyn, en daardie duine… ag, mens word sommer weer soos ‘n kind wat in die sand wil speel!
As jy een ding hier doen, maak dit dít: klim voor sonsopkoms die hoogste duin by Dooie Vlei. Die 900-jaar oue bome teen die wit kleipan, omring deur rooi duine terwyl die son opkom… dis die soort oomblikke waarvoor ‘n mens leef!
Namibië se pragtige sandduine en sonsopkomste – ‘n avontuur wat jou hart sal steel!”
Spitzkoppen: Die Laaste Juweel
Ons het afgesluit by Spitzkoppen Lodge – ‘n plekkie tussen granietrotse wat lyk of dit uit ‘n prentjieboek kom. Die swembad daar is letterlik ‘n lafenis vir die siel!
My Kamera-toerusting vir die Perfekte Namibië-foto’s
Kliek gerus op die links vir meer inligting hier: Canon 5D IV Full Frame & die lens 70mm-20mm Canon Lens. Die Kamera gebruik n Compact Flash & SD Card – ek gebruik die volgende kaarte en het nog net goeie resultate gekry: SanDisk 256GB Extreme PRO SD Card & SanDisk Extreme PRO 64GB Compact Flash Memory Card. Onthou dis belangrik dat jou Memory kaarte die spoed van jou kamera kan hanteer, dis hoekom ek die Extreme Pro Kaarte gebruik.
Namibië is regtig een van daai plekke wat jou hart steel – elke kilometer, elke sandduin, elke sonsopkoms. As jy nog wonder of jy die langpad moet vat: DOEN DIT!
Laat weet my of julle ook al Namibië toe was, of as julle beplan om te gaan. Ek deel graag nog wenke!
Kom Ons Bly in Kontak!
- Luister na ons gewilde podcast “Minkie se Kombuis”
- Volg my op Facebook @minkiesekombuis
- Kontak my by minkie@minkiesekombuis.co.za
- Sluit aan by ons feelgood letters een keer per maand
Dit was beslis die beste vakansie ooit! Laat weet my of jy graag Namibia toe sal wil gaan xx
Liefde,
PS: Volg gerus my fotografie-avonture op Facebook en Instagram @minkiedutoitwildlife
#NamibiëAvontuur #NamibiëReis #Sandduine #Sonsopkomste #Reiswenke #AfrikaReise #NamibiëLandskappe #AvontuurlikeReise #Reisbestemmings #NamibiëFotografie
Wat is die prosedures as ons van SA af kom oor Covid? en dan weer terug moet keer?