Chobe Vloedvlaktes in Botswana: ‘n Safari Avontuur
Sjoe, ek kan skaars die opwinding bevat om hierdie avontuur met julle te deel! Die son het skaars sy kop uitgesteek met ‘n pragtige perskleurige dagbreek by Ngoma Lodge, toe’s ons al reg vir ons eerste wildsrit. En laat ek julle vertel – ek het die vorige aand omtrent geen oog toegemaak nie. Jy weet mos hoe dit is as jy só opgewonde is! Die bosveld het daardie spesiale bekoring wat jou hart laat sing, en die gedagte aan ‘n safari avontuur was “next level” vir my.
Kom ek vertel julle bietjie meer van hierdie wonderlike plekkie.
Ngoma Safari Lodge lê so mooi in die Chobe Natuurreservaat, reg teen die Chobe Nasionale Park. En die uitsig? Hemels! Jy kyk uit oor die Chobe rivier en die Caprivi vloedvlaktes – dis letterlik asof jy in ‘n poskaart sit!
Als is eintlik makliker as wat mens dink. Jy vlieg net na Kasana Lughawe (dis maar sowat 1.5 ure se vlieg vanaf Johannesburg), en die beste deel? Die lodge reël al jou vervoer! Hulle tel jou op by die lughawe en bring jou weer terug as jou wonderlike reis verby is.
En praat van wonderlik – die opsies by die lodge is onbeperk! Jy kan kies tussen rivier toere (my gunsteling!), wildsritte, of as jy regtig avontuurlustig voel, kan jy selfs op ‘n begeleide staproete gaan. Vir die romantiese siele is daar selfs pieknieks in die bos – natuurlik met ‘n wildsbewaarder byderhand, want mens wil mos nie ongenooid by ‘n leeu se middagete opdaag nie!
‘n Klein wenk van my kant af.
Pak ligte klere en ‘n ordentlike hoed in. O, en moenie die sonskerm en muskiet moetie vergeet nie, veral as jy in die somer kom kuier! In die winter is dit nogal ysig koud op die wildsritte, maar weet jy wat? Dis eintlik die beste tyd vir foto’s omdat die diere makliker sigbaar is as die veld yl is.
Een van die hoogtepunte was beslis ons bootrit! Ons het eers met hierdie sanderige padjie gery, parallel met die rivier. Die pad kronkel so tussen die mahonie en teakhoutbome deur – dis duidelik die olifante se gunsteling snoepplek, as ‘n mens na al die gebreekte takke kyk!
Minkie du Toit.com
En toe kom ons by die boot…
 Ag, wat ‘n belewenis! Daar sit ons met ons sundowners, en seil so rustig oor die water. Op party plekke kom ons letterlik binne ‘n meter van reuse krokodille! En die seekoeie met hulle kleintjies? Skattig! Natuurlik moes ek omtrent elke oomblik vasvang – gaan loer gerus na my Facebook bladsy “Minkie du Toit Wildlife” as jy die foto’s wil sien.
Ek moet regtig sê, Botswana is een van daai plekke wat op elke natuurliefhebber se bucket-list moet wees. As jy wonder oor waar om te begin, kan jy gerus op Tripadvisor gaan rondsnuffel vir verskillende lodges en uitstappies.
O, en as jy wonder oor watter kamera
toerusting om saam te vat (want glo my, jy gáán foto’s wil neem!), het ek ‘n handige gids op my webtuiste se winkel-bladsy.
Laat weet my asseblief in die kommentaar hoe julle safari-avonture was, en deel gerus julle foto’s – ek’s mal daaroor om ander se ervarings te sien!
Kom Ons Bly in Kontak!
- Luister na ons gewilde podcast “Minkie se Kombuis”
- Volg my op Facebook @minkiesekombuis
- Kontak my by minkie@minkiesekombuis.co.za
- Sluit aan by ons feelgood letters een keer per maand
Cheers op ‘n onvergeetlike Botswana-avontuur!
Liefde,
#ChobeVloedvlaktes #BotswanaSafari #WildlifeAdventure #SafariTravel #NgomaLodge #ChobeNationalPark #SafariExperience #NatureLovers #TravelAfrica #WildlifePhotography
Wow is amazing. Gaan beslis a punt maak om daar besoek af te le. Volgende aftydtjie beslis.
Liefies
Fenie