Super Cool Dinge Wat Jy Besef: Wyshede en Leweservarings

Sjoe, weet julle, soos wat mens ouer en wyser in die lewe word (en nee hoor, ek praat definitief nie van oud word nie!), begin jy dinge raaksien wat jou jonger self heeltemal gemis het. Dit voel amper asof die lewe jou saggies aan die skouer tik en sê: “Hierdie goed? Hierdie is wat regtig saak maak.”

Ek het onlangs ‘n bietjie tyd in die bos spandeer – nie omdat ek myself moes “vind” nie (asof ek ooit kon wegraak!), maar die stilte… ag, dit het my siel so goed gedoen! Weet julle wat ek bedoel? Daardie oomblikke waar die voëltjies vroeg oggend besig kwetter oor hulle nessies, die son wat so sagkens oor die vlaktes opkom, en daai vars bries teen jou gesig. Als herinner jou net weer hoe groot die Here se genade regtig is. My hart het sommer oorgeloop van dankbaarheid.

Die Lewe Begin Beter Sin Maak

En weet julle wat het ek besef? Daar’s letterlik nie meer tyd vir nonsens in die lewe nie! Vandat daardie horlosie 40 geslaan het, het ek ‘n paar goeie waarhede opgetel…

Soos die feit dat nie alle vriendskappe vir ewig gaan hou nie – en dis oukei! Ja, dit maak soms seer as jy daardie kontak mis, maar op ‘n dag besef jy: dis eintlik net die gevoel van daardie kinderdae wat jy mis.

En hoe wonderlik is dit nie – elkeen is op sy eie pad, besig om te groei en te verander. Partykeer beteken dit mense groei van mekaar weg, en weet jy wat? Dis actually heeltemal fine!

Wysheid van “Pret”

Die snaaksste is hoe jou idee van “pret” verander. Skielik is ‘n rustige aand by die huis net so lekker (of dalk nog lekkerder!) as ‘n wilde aand uit. Daar’s min dinge wat ‘n rustige aandjie in jou man se arms op die stoep kan klop, of daardie hemelse voorreg om op ‘n Sondag laat te kan slaap!

En die beste deel? Jy begin besef hoe bevrydend dit is om net jouself te wees! Wie gee tog om of ander mense jou lewe “verstaan” of nie? Skinder is nou net pure tydmors, en drama? Dankie, maar nee dankie!

Minkie se Kombuis- ‘n Heerlike Kook & Leefstyl Potgooi Program vir die Moderne Vrou

Stress Minder, Geniet Meer

Deesdae deurdink ek dinge baie meer, maar ek’s minder emosioneel daaroor. Dalk omdat ek geleer het om nie oor die klein dingetjies te stress nie. As iemand drama soek? Cheers, en loop verby!

Maar die grootste geskenk wat ek myself kon gee? Ek het geleer om actually van myself te hou! Na al die jare van probeer om “beter” te wees, kom jy op ‘n punt waar jy kan sê: “Well Done, girl – you did it!”

Bevrydend om Ouer en Wyser te Wees

Dis actually awesome om ouer en wyser te word – dis regtig ‘n bevrydende reis! En ek is so opgewonde oor wat ek die afgelope paar jaar geleer het en hoe ek as mens gegroei het. Die lewe voel eenvoudiger, ek is minder bekommerd oor wat ander mense dink, en ek besef hoe kosbaar elke oomblik is.

 Bly in Kontak!

• Luister na ons gewilde podcast “Minkie se Kombuis”
• Volg my op Facebook @minkiesekombuis
• Kontak my by minkie@minkiesekombuis.co.za
• Sluit aan by ons feelgood letters een keer per maand

Liefde,
Minkie xx

PS: Kom deel met my – watter wyshede het jy opgetel saam met die jare? Laat weet my hier in die kommentare of op ons Facebook Page. Ek brand om te hoor!

#OuerEnWyser #LeweLeker #Wyshede #JareVanErvaring #LeweLeker #Vriendskappe #PersoonlikeGroei #TydVirSelf #OuerWord #LeweWysheid #LeweMetDoel #GenietDieMoment #JouPad #SelfLiefde #LeweEnLiefde #Vryheid #LeweMetDoel #Vervulling